O Comité de Redacción do xornal El País reclamou que se abra unha investigación para aclarar as circunstancias da detención, este venres nas rúas de Barcelona, da súa fotoperiodista Albert García mentres realizaba o seu traballo este venres nas rúas de Barcelona.
Al que llevan esposado es Albert Garcia, periodista de @elpaiscatalunya. Lo arrastran así por haber fotografiado una detención violenta, similar a la suya. Grave, como muchas otras intervenciones.pic.twitter.com/pH3urzTfoY
— Gerardo Pisarello (@G_Pisarello) October 18, 2019
Nun comunicado remitido aos medios de comunicación, o comité de redacción de El País expresa o seu apoio e solidariedade cos xornalistas que, "en condicións complicadas e en ocasións perigosas", están a cubrir os acontecementos destes días en Cataluña.
Tras condenar os episodios de acoso aos profesionais da información que se están producindo "tanto por parte das forzas de seguridade como de sectores de manifestantes", a redacción de El País reclama unha investigación das circunstancias en que foi detido o fotoperiodista Albert Garcia.
García foi arrestado ao redor das 22:30 horas na esquina da rolda de Sant Pere coa rúa de Pau Claris, cando García estaba a tomar fotografías da detención dun mozo, explicaron algunhas testemuñas.
O fotoperiodista ía acreditado con brazalete de prensa e portaba casco de protección e foi inmobilizado no chan por media ducia de axentes, segundo algúns xornalistas presentes no momento da detención.
García sería acusado de empuxar a un policía cando as forzas policiais trataban de deter a un dos alborotadores que participaba nos disturbios que se produciron no centro de Barcelona. Ao redor das 3:30 horas foi posto en liberdade.
Desde o comité de redacción de El País esixen aos poderes públicos e aos responsables das protestas que respecten e faciliten a tarefa dos xornalistas como instrumento do dereito fundamental á información que teñen os cidadáns.
