O xulgado do penal número 31 de Madrid absolveu ao PP de destruír os computadores do seu extesorero Luís Bárcenas por falta de probas e aos seus tres empregados por non quedar acreditado que tivesen a intención de eliminar a información para entorpecer a investigación que se seguía na Audiencia Nacional.
Na sentenza, á que tivo acceso Efe, o xuíz absolve aos tres acusados xunto ao partido: a extesoureira Carmen Navarro; o responsable da súa asesoría xurídica, Alberto Durán; e o xefe do departamento de sistemas informáticos, José Manuel Moreno, dos delitos de encubrimento e de danos informáticos, mentres que ao PP o absolve deste ultimo, o único do que estaba acusado.
Agora ben a resolución non é firme e contra a mesma cabe recurso de apelación ante a Audiencia Provincial de Madrid.
As acusacións populares -a Fiscalía non acusaba e o extesoureiro retirouna antes do xuízo- defendían que o PP e os seus empregados borraron os discos duros para impedir que a Audiencia Nacional accedese a probas na investigación dos papeis de Bárcenas.
Pero o maxistrado absolve ao PP por dous motivos, por falta de probas e por aplicación da denominada doutrina Botín.
O PP mostrou a súa satisfacción porque "a verdade prevaleza" e constatouse que "sempre actuou de acordo á lei", informaron fontes populares.
