PSOE e PP refórzanse mentres Ciudadanos esborrállase

Unidas Podemos perde fol e Vox mantense

Sánchez y Casado, en Moncloa. FERNANDO VILLAR
photo_camera Sánchez y Casado, en Moncloa. FERNANDO VILLAR

PSOE e PP reforzan os seus apoios segundo o barómetro do CIS do mes de xaneiro, ao subir a súa estimación de voto ata o 28,5 e o 21,5 por cento, respectivamente, á conta de Unidas Podemos e Cs que perden fol, en tanto que Vox repite practicamente o resultado e mantense como terceiro partido.

Segundo a última enquisa do Centro de Investigacións Sociolóxicas, elaborada entre o 3 e o 14 de xaneiro pasados, o PSOE subiría nun mes medio punto en tanto que o PP vería aumentado a súa estimación de voto do 20,8 por cento de decembro ao 21,5 de xaneiro, recortando en dúas décimas a súa distancia cos socialistas.

Por contra, Unidas Podemos perdería seis décimas e quedaría co 13,1 por cento, caída máis acentuada no caso de Ciudadanos que se deixa case dous puntos nun mes, ao pasar do 5,9 de decembro, ao 4 por cento de xaneiro.  

Comentarios