Os funcionarios de prisións demandan máis persoal, máis medios e máis medidas de protección para garantir a súa seguridade. E para xustificar as súas reivindicacións, fixeron público un vídeo dunha brutal agresión por parte dun dos presos máis sanguinarios de España: Fabrizio João, natural de Ginea- Bissau, que aos seus 36 anos é coñecido como o Hannibal Lécter africano. Leva dous anos en illamento no cárcere coruñés de Teixeiro, ao que chegou tras enviar ao hospital a seis gardas do penal do Porto de Santa María.
Agresiones a funcionarios de prisiones. Espejo publico https://t.co/6fA2mwyH8d vía @YouTube
— María de Madrid (@Marimadriles) 27 de novembro de 2018
Condenado en primeiro lugar por violar e matar de 25 puñaladas á súa parella, Fabrizio leva dez anos entre reixas, tempo no que proseguiu facendo o mal. En Córdoba acabou a golpes coa vida doutro recluso en 2014. Tempo despois produciríase a agresión aos gardas do cárcere gaditano, cun coitelo de fabricación caseira. Nunca mostrou arrepentimento.
