A Policía Nacional sancionaou este xoves en Madrid a un home residente en Guadalaxara por incumprir as restricións do estado de alarma, ao desprazarse á capital para comprar unha barra de pan, segundo comentou aos axentes.
Os axentes interceptaron ao home dentro do autobús número 27 no Paseo do Prado ás 17.15 horas, como informou a Xefatura Superior de Policía a Efe.
O home, residente en Guadalaxara, portaba unha bolsa de comprar cunha barra de pan dun supermercado.
Ao ser preguntado polos axentes, respondeu que compraba "onde lle daba a gana" e que o "estado de alarma non ía con el".
A Policía Nacional fixo o pasado mércores 676 propostas de sanción con 25 detencións. Desde o inicio do estado de alarma multouse a 13.507 persoas e arrestáronse a 257 individuos.
