Todos os trens de Renfe, incluídos os de proximidade, disporán de wifi en 2028, avanzou este xoves o presidente da compañía, Isaías Táboas.
"Xa temos wifi en todas as liñas de alta velocidade. A que nos faltaba era Barcelona, que desde o 1 de abril está ao 70 % e que antes de fin de ano xa o terá en todos os trens", dixo o directivo durante a súa participación Foro Next.
Por outra banda, Táboas insistiu na intención da compañía de converterse nun operador global e ofrecer unha solución ao usuario para cubrir toda a súa viaxe de "porta a porta".
Para iso, a compañía traballa en subscribir alianzas con empresas como Uber ou Cabify, aínda que polo momento non asinou ningún acordo, segundo o directivo.
O Ave 'low cost', desde a Semana Santa de 2020
Ademáis, Renfe espera poder ter xa á venda billetes para o seu Ave low cost entre Madrid e Barcelona na Semana Santa do próximo ano 2020, segundo avanzou o presidente da compañía ferroviaria, Isaías Táboas.
"A próxima Semana Santa, os usuarios xa poderán comprar billetes para o novo servizo low cost de alta velocidade entre Madrid e Barcelona", asegurou o presidente da compañía durante a súa intervención no Foro Next.
"A próxima Semana Santa, os usuarios xa poderán comprar billetes para o novo servizo low cost de alta velocidade entre Madrid e Barcelona", asegurou o presidente da compañía durante a súa intervención no Foro Next.
