O presidente da Generalitat, Quim Torra, remitiu este martes unha carta ao presidente do Goberno, Pedro Sánchez, para reclamarlle de novo que confine Cataluña, para frear a pandemia de coronavirus. "Impórtanme un rábano neste momento as fronteiras e as bandeiras, impórtame a saúde e a vida das persoas", dixo en declaracións a TV3, en resposta a quen lle acusan de priorizar o debate territorial nesta crise sanitaria.
Torra explicou que este martes pola tarde chamoulle o ministro de Sanidade, Salvador Illa, a quen pediu que avale o plan que lle fixo chegar o Govern, que expón limitar a libre circulación de persoas no territorio administrativo de Cataluña: "Díxome que o estudaría", asegurou o president.
O Govern asinou o luns unha proposta de resolución para o confinamento total dos cataláns, pero esta medida require da autorización do Goberno central.
