Un total de 98 persoas foron identificadas e 19 denunciadas no total de 244 dispositivos levados a cabo este fin de semana por axentes da Policía Autonómica en 28 concellos galegos para vixiar o cumprimento das medidas adoptadas para facer fronte á covid.
Segundo detallou a Vicepresidencia primeira da Xunta nun comunicado, do total de 19 denuncias, 10 tiveron lugar por non facer uso da máscara e nove por consumo de alcol na vía pública.
En Pontevedra realizáronse 125 dispositivos en Barro, Catoira, Marín, Meis, Moaña, Mondariz, Pontevedra, Redondela, Sanxenxo, Vigo e Vilaboa, que se saldaron con 10 denuncias en Sanxenxo por non levar máscara. Ademais, na da Coruña levaron a cabo 22 dispositivos nos municipios de Boiro, Noia, Padrón, A Pobra do Caramiñal, Porto do Son, Rianxo, Ribeira, Santiago de Compostela e Vedra.
Os axentes realizaron na provincia de Lugo 14 dispositivos en Burela, Foz, Lugo, Monforte, Ribadeo e Sarria. Na provincia de Ourense, puxéronse en marcha un total de 83 dispositivos nas localidades de Allariz e Ourense, onde houbo nove denuncias por consumo de alcol na vía pública.
