miércoles. 27.10.2021 |
El tiempo
miércoles. 27.10.2021
El tiempo

Abren xuízo ao maquinista e ao exdirector de Seguridade do accidente do Alvia

Andrés Cortabitarte. AEP
Andrés Cortabitarte. AEP
A Fiscalía solicita para cada un dos dous acusados catro anos de prisión e demanda que o maquinista sexa inhabilitado para a súa profesión

O Xulgado de Instrución número 3 de Santiago acordou a apertura de xuízo oral no procedemento do accidente do tren Alvia, sucedido o 24 de xullo de 2013 en Angrois. O xuízo será contra o maquinista, José Garzón, e o director de Seguridade na Circulación de Adif no momento de posta en funcionamento da liña, Andrés Cortabitarte.

Nun auto con data de este mércores que foi notificado ás partes, o maxistrado Andrés Lago dá por formuladas as acusacións contra ambos e ordena a apertura de xuízo oral por se os feitos que se lles imputan fosen constitutivos de oitenta delitos de homicidio por imprudencia grave profesional, de 145 de lesións por imprudencia grave profesional e dun delito de danos.

Ademais, o maxistrado reclama aos dous acusados e no seu caso ás aseguradoras, como responsables civís directas, ou ás entidades públicas Renfe Operador e Adif, como subsidiaria, que depositen unha fianza de 57,6 millóns de euros para asegurar as responsabilidades pecuniarias que poida impor a sentenza.

A Fiscalía solicita para cada un dos dous acusados catro anos de prisión e demanda que o maquinista sexa inhabilitado para a súa profesión durante o tempo da condena. 

Para o outro acusado, o director de Seguridade na Circulación no momento do accidente, o Ministerio Público solicita a inhabilitación o tempo que dure a condena para o exercicio de calquera profesión que implique xestión, seguridade ou responsabilidade en infraestruturas ferroviarias. 

Ambos serán axuizados polo Xulgado do Penal número 2 de Santiago, segundo indica o auto. 
No seu escrito, o instrutor da causa advirte ás partes ás que solicita a fianza de 57,6 millóns de euros de que en caso de non satisfacela, "embargaránselles bens en cantidade suficiente para asegurar esa suma".

Os acusados e os responsables civís teñen un prazo de tres días para comparecer na causa cun avogado e procurador ou, no seu caso, ratificar os xa designados, conclúe o auto contra o que non cabe recurso. 

Abren xuízo ao maquinista e ao exdirector de Seguridade do...
comentarios
ç