O acordo alcanzado co ministerio público polos seus avogados defensores librará do cárcere a seis persoas que este xoves ían ser xulgadas na Audiencia Provincial de Lugo como supostas integrantes dunha banda que se dedicaba á venda de drogas polo miúdo na comarca da Mariña.
O fiscal pedía inicialmente seis anos de cárcere para os supostos xefes da banda, que estaban en prisión provisional, así como 5 anos de reclusión para outros tres acusados e 4 para un sexto.
"Había unhas peticións elevadísimas da Fiscalía orixinariamente, por considerar que os feitos eran un tráfico de drogas de notoria importancia", explicou Efe o avogado José Ramón Sierra, letrado da defensa de dúas dos acusados.
Grazas ao acordo pechado coa Fiscalía, a defensa conseguiu "rebaixar as penas considerablemente" e "deixalas todas por baixo dos cinco anos".
"Iso permítenos conseguir que os acusados que están no cárcere salgan e que os que están en liberdade se lles conceda a suspensión da execución, pola súa condición de drogodependentes", aclarou.
"Iso é o que tratamos durante os dous anos que esta causa foi obxecto de instrución no Xulgado de Viveiro", resolveu.
A orixe da investigación que derivou na apertura desta causa remóntase ao ano 2016, cando o Xulgado de Primeira Instancia e Instrución de Viveiro autorizou a invertención dos teléfonos móbiles dos sospeitosos, o que permitiu a detención dun dos xefes do grupo, en xaneiro de 2017, cando realizaba un transporte de cocaína desde Vilagarcía.
