A deputada do BNG viguesa Carme Adán renunciou a presentarse como cabeza de lista por Pontevedra na repetición de eleccións xerais do 26 de xuño, segundo avanzou a súa contorna a Europa Press.
Os motivos que xa comunicara a semana pasada á portavoz nacional, Ana Pontón, e que este luns ratificou Carme Adán, aséntanse na "coherencia" de non poder defender o proxecto que encabeza a líder nacionalista, despois de que na XV Asemblea da Coruña a formación nacionalista renunciase a explorar unha confluencia máis ampla para as contendas electorais, como a parlamentaria defendeu no seu voto particular xunto con outras figuras como Tereixa Paz.
Ademais, Adán non quere repetir nunha candidatura na que se irá coas siglas do BNG e non nunha lista máis ampla como foi NOS-Candidatura Galega. Así mesmo, "cambiou o contexto" político e o contexto organizativo, á marxe da fórmula de concorrencia, o que motiva este cambio. Así, a deputada viguesa ha decidido dar un paso atrás a pesar de que, fontes consultadas por Europa Press, aseguraron que foi instada por parte da dirección nacionalista a volver presentarse como cabeza de lista.
Adán renuncia a volver ser a cabeza de lista do BNG por Pontevedra
A deputada viguesa non se ve capaz de defender o proxecto que encabeza Ana Pontón despois de que o Bloque renunciase a explorar unha confluencia máis ampla
