A Garda Civil de Celanova tomou declaración a un veciño deste municipio por agredir a unha septuaxenaria na súa vivenda logo de haberlle recriminado que fai ruído na veciñanza.
Segundo informou o Instituto Armado, tomou declaración en calidade de investigado a J.R.S., de 41 anos de idade e veciño de Celanova, como presunto autor dun delito de lesións e outro de violación de morada.
As mesmas fontes indicaron que unha muller de 75 anos de idade veciña de Celanova denunciou unha agresión no interior do seu domicilio polo investigado, que se abalanzou sobre ela e causoulle lesións de carácter leve, todo como consecuencia "de recriminarlle que fai ruídos na veciñanza", subliñou a Benemérita.
As dilixencias instruídas en relación con estes feitos foron remitidas ao Xulgado de Instrución de Celanova.
