Un incendio na terraza dun piso xerou alarma entre varios particulares na cidade de Vigo durante a mañá deste sábado.
Ao fío das 10,15 horas desta xornada, varias persoas contactaron co 112 Galicia para dar a voz de alarma por un incendio que se propagou pola terraza dun edificio situado na Rúa Travesía de Vigo.
O Centro Integrado de Atención ás Urxencias 112 Galicia explicou que, nada máis recibir os avisos, os efectivos do seu servizo puxeron os feitos en coñecemento dos bombeiros da cidade para intervir no lume.
Segundo a información facilitada, o incendio propagouse sobre varios mobles de plástico que se atopaban na estancia desta terraza, situada nun edificio de nove pisos.
Finalmente, as chamas sufocáronse sen que se produciron danos persoais. Ao lugar tamén se trasladou a Policía Local e Urxencias Sanitarias de Galicia-061.
