martes. 28.09.2021 |
El tiempo
martes. 28.09.2021
El tiempo

Fernández: "Fernán Vello pediu disculpas e aí acaba o conto"

Alexandra Fernández y Fernán Vello
Alexandra Fernández y Fernán Vello
A portavoz de En Marea no Congreso dá por resolta a polémica. Ademais, desmarcouse das declaracións de Bescansa: "Non viñemos ser o goberno dos de menos de 45 anos, senón o de todos os galegos"

A portavoz de En Marea no Congreso, Alexandra Fernández, insistiu en que o seu compañeiro de bancada Miguel Anxo Fernán Vello, xa pediu desculpas por unha referencia desafortunada á cidadanía galega e "aí acaba o conto".

Así se manifestou, Fernández durante a súa intervención no programa Los desayunos de TVE, preguntada por este extremo, do que ela se desmarca.

O deputado pola provincia de Lugo, tras os resultados das eleccións galegas, que outorgaban unha nova maioría absoluta ao PP de Alberto Núñez Feijóo, colgou unha mensaxe nunha coñecida rede social co texto: "Estraño pobo o noso, escravos que votan o amo, ao señorito, ao cacique, ao que manda, ao de sempre. Pobo alienado e ignorante. Triste".

Despois, o deputado de En Marea borrou esa mensaxe e colgou outro no que sinalaba que era "preciso" rectificar e admitía expresar "en quente" ideas "desacertadas". "O pobo falou e ten todo o meu respecto. As miñas desculpas se ofendín", engadía.

Con todo, os deputados galegos do PP no Congreso esixiron explicacións ao parlamentario de En Marea Miguel Anxo Fernán Vello por chamar "Pobo alienado e ignorante" ao pobo galego, e por cualificar de "escravos que votan ao amo" aos votantes do PP.

Pola súa banda, a portavoz de En Marea, reiterou que o seu compañeiro xa deu "explicacións", e pediu desculpas -ás que se suma o grupo- e que entenden como unha reacción nun momento de frustración polos resultados tan favorables alcanzados polo PP na Comunidade galega.

Por iso, para Fernández, coas desculpas "acaba o conto".

Tamén se desmarcou das declaracións da secretaria de análise política de Podemos, Carolina Bescansa, que asegurou que se todo o electorado fose menor de 45 anos, "Iglesias sería presidente do Goberno desde o ano pasado", unha afirmación que nun acto en Galicia fixo extensible ao candidato de En Marea, Luís Villares.

Fernández rexeitou esta idea pois ao considerar que "non viñemos ser o goberno dos de menos de 45 anos, senón o de todos os galegos".

Fernández: "Fernán Vello pediu disculpas e aí acaba o conto"
comentarios
ç