Álvarez Cascos participa nun concurso de salmón celebrado no río Ulla

O exvicepresidente do Goberno e exministro de Fomento, Francisco Álvarez-Cascos, participou este sábado nun concurso de salmón celebrado no río Ulla. O fundador de Foro Asturias é un afeccionado á pesca e achegouse ata a provincia de Pontevedra para acudir ao evento.

O gañador do concurso foi un veciño de Vedra que capturou un exemplar de 5,200 quilos.

RÍO VERDUGO. Un pescador habitual nas beiras do Río Verdugo capturou á primeira hora deste venres unha troita de case tres quilos en augas da zona de Coveliño. O pescador que capturou o exemplar foi Álvaro Míguez, natural de Taboadelo que, segundo destaca o Concello de Ponte Caldelas, "conseguiu a mellor captura dos seus 40 anos de afección ao deporte da cana e celebrouno cos seus amigos e compañeiros de traballo, que non dubidaron en facerse numerosas fotos coa captura".

Unha desas imaxes compartiuna co alcalde da localidade, Andrés Díaz, así como os concelleiros Lito Muíños e Manolo Barreiro, segundo indicou o Consistorio.

O pescador relatou que acababa de chegar ao río cando tivo sorte. "Levoulle case media hora sacar o peixe do río, nunha batalla que requiriu de moita habilidade e forza física", segundo explicaron as mesmas fontes municipais. O exemplar acabou na casa do pescador, onde este fin de semana será degustado.