Aprobada a declaración BIC da Biblioteca de Emilia Pardo Bazán

Consta de case 11.000 volumes, dos cales 7.883 están custodiados na sede da Real Academia Galega e 2.972, no interior de Meirás
El pazo de Meirás. EFE
photo_camera El pazo de Meirás. EFE

O Goberno galego ha aprobado na súa reunión deste xoves, en Ferrol, o decreto polo que se declara ben de interese cultural (BIC) a Biblioteca de Emilia Pardo Bazán, o que supón o recoñecemento do valor cultural e a protección e salvagarda dun total de 10.855 volumes. Un total de 7.883 están custodiados na sede da Real Academia Galega e case 2.972, no interior de Meirás.

A Xunta reivindicou que resolve así este procedemento "con axilidade", 10 meses antes do prazo máximo marcado pola lei, de dous anos, xa que a tramitación fora iniciada en novembro de 2020 coa incoación do expediente.

Neste tempo non se recibiron alegacións e contouse con todos os informes favorables dos órganos asesores: a Real Academia Galega, o Consello da Cultura Galega, a Real Academia Galega de Belas Artes de Nosa Señora do Rosario e a Facultade de Filoloxía da Universidade da Coruña.

á hora de acreditar este recoñecemento, o decreto de declaración BIC constata a "singularidade e carácter único" das pezas. Así, cualifícase como unha "colección esencial" tanto por ser unha biblioteca creada pola propia autora, entre os grandes referentes da creación e a intelectualidade da súa época, como por ser froito das súas relacións cos seus contemporáneos.

Tamén se incide no "especial valor cultural" da colección, como testemuño dun período histórico, ao ser un patrimonio material que contribuiría ao coñecemento sobre esta etapa da historia cultural de Galicia.

TRES BIC EN MEIRÁS. Con esta declaración BIC, Galicia suma 772 BIC, dos cales 96 foron declarados desde a entrada en vigor da Lei 5/2016 do patrimonio cultural de Galicia, que facilitou a declaración e protección cun concepto máis amplo baseado tamén nas relacións territoriais e no patrimonio inmaterial.

A aprobación deste decreto supón a suma de tres bens declarados BIC en Meirás.

O primeiro paso tivo lugar en 2008, coa declaración do Pazo coa categoría de sitio histórico, e o segundo en 2019, coas nove estatuas da portada exterior do Pórtico da Gloria obra do Mestre Mateo, dous das cales están actualmente en Meirás. Complétase agora coa declaración da Biblioteca de Emilia Pardo Bazán.

NEGOCIACIÓN EN PARALELO Ao PROCESO XUDICIAL. Nestes momentos, a Xunta e Goberno central negocian un convenio para ampliar o BIC do Pazo de Meirás, co obxectivo de incluír determinados elementos do interior vinculados a Pardo Bazán e a Francisco Franco.

A Xunta mantén a súa vontade para materializar esta ampliación e explica que só resta pechar o anexo dos bens aos que se dará protección, así como unificar os bens que se reclaman por vía xudicial e os de protección patrimonial.

Trátase dun procedemento en paralelo co proceso xudicial en marcha para determinar a propiedade dalgún destes bens e cuxa vista está pendente de data, tras haberse aprazado dúas veces.

Comentarios