Unha veciña de Ourense foi testemuña este domingo de madrugada dun caso de malos tratos animais. Ao redor das 2.00 horas, viu como lanzaban un gato dentro dun transportín desde un balcón á rúa.
Tras avisar ao 112 e "insistir", segundo explica a protectora de gatos e cans de Ourense (Progape), presentáronse no lugar axentes da Policía local e nacional.
O animal, como consecuencia do golpe, presentaba numerosas mazaduras e sangraba. Desde Progape denuncian que os axentes non fixeron nada polo animal e que foi unha cidadá quen pediu permiso para levalo a un veterinario
Por todo iso, desde a protectora piden axuda cidadá para dar co autor dos feitos, ocorridos na rúa Cabeza de Manzaneda.
