Marino Giménez deberá reunir 100.000 euros se quere seguir gozando da súa liberdade. Así o decidiu a Audiencia Provincial de Pontevedra, quen ditaminou ese prazo de tempo para que o membro do clan dos Morones deposite tal cantidade como fianza ou deberá volver ingresar en prisión.
Marino foi posto en liberdade hai dous meses polos problemas de saúde derivados do gran sobrepeso que padece.
O irmán menor do autodenominado Príncipe dos xitanos, Sinaí Giménez, debía acudir no entanto á sede xudicial os días 1 e 15 de cada mes e o resto de veces que sexa chamado para declarar dentro dos feitos polos que se atopaba no cárcere de Teixeiro: presunta extorsión a vendedores ambulantes, pertenza a unha banda organizada, branqueo de capitais e tráfico de drogas.
A resolución da Audiencia pontevedresa é consecuencia do recurso presentado polo fiscal do caso, que desde o principio opúxose á posta en liberdade de Marino, pois "non se constata a existencia de perigo grave" para a súa saúde.
Dan cinco días a Marino Giménez para que pague a fianza ou volverá a prisión
O fiscal presentou un recurso para tramitar a volta a prisión do membro do clan dos Moróns
