Unha avaría no avión co que o presidente do Goberno e secretario xeral do PSOE, Pedro Sánchez, tiñan previsto viaxar a Vigo impediu a súa presenza no peche de campaña do candidato á Presidencia da Xunta, Gonzalo Caballero.
Segundo o propio Pedro Sánchez publicou no seu perfil da rede social Twitter, o motivo da súa ausencia débese a unha "avaría técnica" no avión.
Segundo confirmaron a Europa Press fontes do PSOE, no seu lugar arroupará a Gonzalo Caballero o ministro de Transportes, Mobilidade e Axenda Urbana, José Luis Ábalos, quen xa participou na xornada do xoves nun mitin en Ourense.