Barreras aspira a construír tres buques da flota menor de Pemex

O estaleiro vigués Barreras aspira a construír tres buques da flota menor de Pemex, cuxa filial de explotación e produción (PEP) sacará a licitación, xunto a outras dúas unidades máis, previsiblemente a finais deste mes, e resolveríase en maio.

O coordinador de asesores de Pemex, Carlos Roa, avanzou que Barreras chegou a un principio de acordo cunha compañía mexicana que xa presta servizos á petroleira para concorrer ao proceso de licitación.

Trátase de tres barcos de estimulación de pozos petrolíferos cuxos contratos oscilarían entre os 60 e os 70 millóns de dólares, detallou o director de PMI, José Manuel Carreira, na rolda de prensa posterior ao acto simbólico de corte "de chapa" do hotel flotante que se construirá en Barreras.

Comentarios