A tenente de alcalde do Concello de Vigo e deputada no Congreso, Carmela Silva, asegurou este xoves que cobra "un só salario" e que isto é o que lle parece "decente".
"A próxima vez o que farei será non contestar" a este tipo de preguntas sobre compatibilizar os cargos de concelleira e deputada, manifestou aos xornalistas en Vigo.
Silva sinalou que "cobrar máis dun salario en política" lle parece "indecente" e remarcou que traballa "moitas horas ao" día e representa "aos cidadáns".
Engadiu Carmela Silva que deste tema é "a última vez" que fala.
