Comisións Obreiras convocou concentracións a nivel galego para manifestarse en contra da imputación de tres deputados de Unidas Podemos —dous de Galicia en Común—, así como a de varios traballadores da organización e de Alcoa que se manifestaron o pasado marzo diante do Congreso dos Deputados polo peche de dúas plantas da compañía en Galicia e Asturias. En concreto, o xulgado de instrución número 25 de Madrid abriu unha investigación contra os deputados Rafa Mayoral, Yolanda Díaz e Antón Gómez-Reino, así como á exdiputada de En Marea Ángela Rodríguez como supostos responsables dun delito de atentado contra a autoridade.
Todos se manifestaron o
Ademais, segundo Comisións Obreiras tamén están denunciados o secretario xeral de CC.OO.-Industria, Víctor Ledo, o presidente do comité de empresa de Alcoa da Coruña, Juan Carlos López Corbacho, e outros dous traballadores afiliados ao sindicato.
CONVOCATORIAS. Ante a situación, o sindicato anunciou dúas concentracións na Coruña e Ferrol. A primeira é este martes ás 11.00 horas diante dos xulgados da Coruña. A segunda celebrarase á mesma hora o 8 de outubro fronte aos xulgados de Ferrol. Ambas as citas coincidirán coas comparecencias xudiciais dos acusados.
Igualmente, a organización sindical lamenta a "persecución" aos imputados e nega "o delito que se lles atribúe" porque "numerosas imaxes demostran que non opuxeron ningunha resistencia", nin a identificarse nin cando empezaron as "desproporcionadas cargas policiais".
Por todo iso, recorda que "defender a clase traballadora non é delito" e esixe ao Goberno que o
