Preto de 8.000 funcionarios da Xunta solicitaron flexibilizar a súa xornada

Un total de 7.782 empregados públicos da Xunta de Galicia se beneficiaron das medidas postas en macha polo Goberno galego para favorecer a conciliación familiar dos funcionarios, segundo os datos difundidos este luns pola directora xeral de Evaluación y Reforma Administrativa, Natalia Prieto.

A comezos do exercicio correspondente a 2014, a Xunta de Galicia ofreceu aos seus traballadores a posibilidade de flexibilizar a súa xornada laboral e acollerse á modalidade de teletraballo, a condición de que ocupasen determinados postos de traballo e as necesidades do servizo o permitisen.

Durante a rolda de prensa, Prieto fixo un balance "moi positivo" dos resultados obtidos por ambas as modalidades de traballo desde a súa implantación na Administración autonómica, hai algo máis dun ano e medio.

A directora xeral explicou ante os medios de comunicación que 7.782 persoas se beneficiaron da flexibilidade horaria, 924 baixo o réxime de conciliación familiar, destinado a aqueles traballadores que teñen fillos menores de 12 anos e persoas dependentes ao seu cargo, e o resto totalmente na súa modalidade "automática".

O 73 por cento dos empregados públicos beneficiarios da flexibilidade horaria por conciliación foron mulleres, unha porcentaxe que descende ata o 64 por cento no caso da automática.

Ademais, segundo os datos facilitados pola Xunta, do total de traballadores con flexibilidade horaria, en calquera das dúas modalidades, o 59 por cento corresponde ao persoal que presta servizo no ámbito "periférico", fronte ao 41 por cento relativo a persoal de servizos centrais da administración autonómica. En canto ao denominado "teletraballo", Prieto informou de que un total de 76 empregados públicos prestan servizo a través desta modalidade de traballo non presencial, dos cales o 70 por cento se atopan en servizos centrais da Xunta.

As mulleres que se acolleron a esta medida representan o 60 por cento do total.

Por departamentos, as consellerías con máis empregados acollidos ao sistema de teletraballo son Vicepresidencia (15), Medio Rural e Mar (15), Traballo e Benestar (14) e Sanidade (12).