Equipos galegos e do norte de Portugal continúan este martes a procura dun home desaparecido o pasado domingo no río Miño, informou o servizo de Urxencias da Xunta.
Tras non achar indicio algún nas operacións na xornada deste luns, os equipos proseguirán a procura do home durante esta xornada con axuda de naves aéreas non tripuladas, precisaron as fontes.
Ademais, proseguirán o rastrexo por terra con axuda de cans adestrados dunha unidade canina de Vigo, que traballará na parroquia de Porto, en Salvaterra.
Axentes dos servizos de Urxencia portugueses, así como da Garda Civil, Bombeiros de Ponteareas, Baixo Miño e efectivos de Protección Civil de Vigo, Tomiño, Tui e Ponteareas, participan no operativo, coordinado por parte española por axentes da Comandancia Naval do Miño.
Tras a desaparición do home, logo de actuar na Festa da Pela, en Portugal o pasado domingo, as autoridades de ambos os países activaron un plan de coordinación dos servizos de urxencias na fronteira hispano-portuguesa.
Continúa a procura do home desaparecido o domingo no río Miño
O dispositivo continuará o rastrexo con axuda de cans adestrados e naves aéreas non tripuladas
