A portavoz do grupo provincial do Partido Popular, Elena Candia, denunciou hoxe os "importantes saqueos" que viñeron padecendo nos últimos meses as instalacións do antigo hospital psiquiátrico de Castro de Ribeiras de Lea, un edificio que é propiedade da Deputación de Lugo e que incluso se converteu, "de forma puntual, nun asentamento de okupas".
En declaracións aos medios de comunicación, Candia lamentou "a despreocupación" do presidente da Deputación, José Ramón Gómez Besteiro, ante a deterioración deste patrimonio, porque as cámaras de seguridade que mandou instalar a institución provincial non funcionan e o edificio está " en mans de ninguén".
Segundo os populares, esas cámaras deixaron de funcionar polo "corte da subministración eléctrica".
Por iso, o PP anunciou que no próximo pleno da institución provincial preguntará "polas actuacións" que ten previsto adoptar o goberno bipartito para "evitar saqueos e asentamentos de okupas" nesa edificación.
