A Garda Civil detivo este mércores a un home que supostamente intentou agredir cunha machada a un empregado dunha empresa de cobro de morosos en Oza-Cesuras (A Coruña), informou a Efe o instituto armado.
Os feitos ocorreron esta mañá, cando o traballador da compañía A Funeraria do Cobro, con sede en Santiago, acudiu nun turismo a Oza-Cesuras, onde un home rompeu cunha machada as lúas do coche no que se atopaba e feriuno.
O cobrador, que ten feridas na cara causados polos cristais do vehículo, puxo unha denuncia esta tarde no cuartel da Garda Civil de Betanzos, que estuda dilixencias.
Os axentes procederon á detención dunha persoa, que nega os feitos dos que é acusado.