Dous detidos por quince roubos de material agrícola na comarca do Ribeiro

A Garda Civil de Ribadavia detivo dous veciños de Esposende (Ribadavia), como supostos autores de 15 delitos de roubo con forza cometidos na comarca do Ribeiro, principalmente de material agrícola.

Segundo informou o Instituto Armado, os axentes detiveron onte no marco da operación Formiga a J.F.C, de 33 anos e C.F.C, de 23, por 15 delitos de roubo con forza e uns falta labores desde o pasado mes de novembro.

Aos detidos acúsaselles do roubo de material agrícola e dun tractor, en zonas de Beade, Leiro, Ribadavia e Cenlle, que desmontaban para vendelo como chatarra.

As dilixencias por estes feitos foron remitidas ao Xulgado de Instrución de Ribadavia.

Comentarios