Dúas persoas resultaron feridas de gravidade nun accidente de circulación, unha colisión dun camión contra un turismo que se atopaba na beiravía, ocorrido esta tarde na autovía A-52, entre os termos ourensáns de Ribadavia e Melón, segundo informaron da Garda Civil de Tráfico e 061.
O suceso ocorreu ás 14:55 horas de hoxe á altura do quilómetro 259, en sentido Benavente.
Ata o lugar desprazáronse unha ambulancia asistencial, un helicóptero e persoal sanitario da PAC de Ribadavia.
As dúas persoas feridas foron trasladadas ao complexo hospitalario de Ourense.
A muller de 46 anos, M.G.C., foi desprazada en helicóptero e atópase en estado "moi grave".
Outra persoa, un home de 30 anos, con iniciais D.D.R., foi trasladado en estado "grave" nunha ambulancia asistencial.
