O calendario feiral internacional terá 92 eventos en 2015, 5 deles en Galicia

O calendario de feiras comerciais internacionais para 2015 inclúe 92 eventos que se celebrarán nas entidades feirais das distintas comunidades autónomas, segundo publica hoxe o Boletín Oficial do Estado (BOE).

As feiras e salóns de carácter comercial internacional solicitados para o próximo ano e aprobados pola Secretaría de Estado de Comercio concentraranse en Madrid (IFEMA) e Cataluña (entre as sedes de Barcelona, L'Hospitalet de Llobregat e Lleida), con 33 e 31 certames, respectivamente.

Por detrás, a Comunidade Valenciana acollerá 11 feiras (entre as súas sedes de Valencia e Elxe); Aragón contará con outros 6 salóns (situados todos eles en Zaragoza) e País Vasco, con 4 máis (en Bilbao).

Así mesmo, Galicia acollerá 5 feiras máis (2 en Ourense e 3 en Pontevedra -en Silleda, A Estrada e Vigo-), ás que se sumarán a que terá lugar en Andalucía (en Xaén) e outra máis en Asturias (en Tineo).

Comentarios