O operador galego R superou as 100.000 liñas de móbil e foi a compañía que máis creceu neste ámbito de negocio na Comunidade autónoma.
R informou nun comunicado de que, destas máis de 100.000 liñas, unhas 78.000 foron contratadas por particulares e algo máis de 23.000, por empresas.
Tamén resalta que consegue máis de 100 novas liñas diarias e situouse "nos primeiros postos en portabilidades (procedentes doutra compañía co mesmo número) en toda España e á cabeza na Comunidade galega".
Segundo a propia operadora, este incremento débese ás tarifas que buscan aforrar e ofrecen tamén conexión a internet no móbil.
