O porto de Vigo pon hoxe o broche ao tráfico de cruceiros de outubro cunha dobre escala, a do Adventure of the Seas e do Emerald Princess, con preto de 9.000 persoas entre pasaxe e tripulación. Cun total de 16 escalas, outubro superou os datos de setembro en canto a número de pasaxeiros e tripulantes, con máis de 60.000 turistas.
O primeiro en chegar hoxe ao peirao de transatlánticos procedente de Southampton (Gran Bretaña) foi o Adventure of the Seas, buque pertencente á naviera Royal Caribbean, con 3.665 pasaxeiros de 39 nacionalidades.
O Emerald Princess, procedente de Le Havre (Francia), leva a bordo a máis de 3.000 pasaxeiros de 30 nacionalidades.
