Un home de 23 anos ingresou en prisión preventiva acusado da autoría de dezaseis incendios en zonas forestais da provincia de Ourense. Segundo a Garda Civil, o detido, residente no municipio dos Blancos, foi sorprendido prendendo lume en Nocedo de Ribeira.
Os investigadores sospeitan que é o autor doutros incendios forestais rexistrados desde principios de ano nos municipios dos Blancos, Baltar e Xinzo de Limia, na provincia de Ourense, nos que resultaron afectadas 3,75 hectáreas de monte arboledo e matogueiras.
O home foi acusado tamén de atentado á autoridade por intentar "agredir os axentes" cando procedían a detelo.
