As entradas para a proba piloto de apertura do lecer nocturno na Sala Pelícano da Coruña esgotáronse en menos dunha hora, segundo informaron os xestores do local nas súas redes sociais.
A cita celebrarase o 12 de xuño desde as 21.00 horas ata a 01.00 horas, cun aforamento de1.000 persoas, un terzo da capacidade do establecemento.
“As entradas para a nosa proba piloto duraron menos dunha hora á venda. Sabemos que moitos vos quedastes con ganas de participar, pero tranquilos, a nosa volta está cada vez máis preto”, publicou este mércores a Sala Pelícano na súa conta de Instagram.
A entrada, que ten un custo de dez euros, inclúe unha consumición, unha proba PCR e unha máscara. En Pontevedra, a proba piloto terá lugar no pub La Pomada.