Expulsados catro alumnos dos exames da Abau en Galicia por copiar

Un dos estudantes estaba a consultar apuntamentos de historia nun 'smartwatch', outros dous tiñan os teléfonos activos e ao cuarto pilláronlle unha chuleta en papel
Estudiantes esperan para comenzar un examen de la Abau. ÁLVARO BALLESTEROS (EUROPA PRESS)
photo_camera Estudantes esperan para comezar un exame da Abau. ÁLVARO BALLESTEROS (EUROPA PRESS)

Catro alumnos foron expulsados dos exames da Abau en Galicia por copiar, dous deles en Vigo, un na Coruña e outro en Santiago. 

O protocolo dos exames de selectividade establece que non se pode estar con elementos electrónicos como teléfonos ou reloxos intelixentes activados. Se se dá o caso, procédese á retirada e a imposición de medida disciplinaria que carrexa a anulación da proba

Segundo explican fontes da Comisión Interuniversitaria de Galicia a Europa Press, detectouse o caso dun alumno que estaba a empregar o seu reloxo smartwatch en Vigo con documentos relativos a historia de España. Tamén foron expulsados dous mozos con teléfonos activos na Coruña e en Vigo. O habitual é que os alumnos teñan desactivados os seus móbiles nas súas mochilas. 

Ademais deses tres casos de uso de ferramentas tecnolóxicas para copiar, detectouse un alumno en Santiago que empregaba unha tradicional chuleta en papel. 

Todo iso en dúas xornadas da Abau en Galicia nas que participaron máis de 12.500 alumnos, repartidos nas 36 comisións dos sete campus das tres universidades.

comentarios