O alcalde de Mañón, Alfonso Balseiro (PP), faleceu este sábado, 6 de febreiro, aos 74 anos, tras unha longa enfermidade.
O rexedor popular levaba á fronte deste municipio da comarca do Ortegal 34 anos, o que o converte na persoa máis antiga neste cargo en todo o norte da provincia da Coruña.
Traballador autónomo, tiña un fillo. Ademais de ser alcalde de Mañón sempre con maioría absoluta, tamén foi deputado provincial entre os anos 2007 e 2011.
Tras coñecerse o seu falecemento, mensaxes nas redes sociais han recordado a súa persoa e destacaron a proximidade aos veciños deste municipio limítrofe coa provincia de Lugo.