sábado. 18.09.2021 |
El tiempo
sábado. 18.09.2021
El tiempo

Feijóo asinou unha hipoteca de 238.000 euros para pagar a súa nova casa en Moaña

Alberto Nuñez Feijoo, presidente de la Xunta de Galicia
Alberto Nuñez Feijoo, presidente da Xunta de Galicia
O Boletín Oficial do Parlamento publicou a declaración de bens do presidente da Xunta, na que figura outra hipoteca de 270.000 euros ou un plan de pensións de 165.000 

O presidente da Xunta de Galicia, Alberto Núñez Feijóo, asinou unha hipoteca o pasado 31 de decembro de 2018 por valor de 238.000 euros que irá destinada a pagar o seu nova casa no municipio pontevedrés de Moaña, segundo figura na súa declaración de bens como deputado do Parlamento de Galicia que este venres publicou o Boletín Oficial da Cámara.

Deste xeito, o titular do Goberno autonómico e líder dos populares galegos conta agora con dúas hipotecas. A primeira foi subscrita no ano 2001 por 270.000 euros e está pendente de liquidar 5.007 euros, 26.898 euros menos que ao comezo da lexislatura.

A data do pasado 31 de decembro, Núñez Feijóo asinou un novo préstamo para a compra da súa nova vivenda en Moaña, que se suma ao patrimonio inmobiliario do mandatario: unha vivenda en Madrid (188.067 euros de valor catastral) e outra en Vigo que conta con garaxe (suman 43.553 euros). Ademais, ten na súa propiedade unha leira rústica en Ames desde o ano 1992.

Por outra banda, o presidente desprendeuse do vehículo. Ao comezo da X Lexislatura declaraba posuír un Citröen C Crosser do ano 2011 que xa non figura entre os seus bens. 

En canto ás rendas, Feijóo percibe un salario de  81.124,08 euros como presidente da Xunta, 6.220 euros máis que no arranque da lexislatura.

Ademais, percibe 12.300 euros por rendementos de aluguer dun inmoble —1.500 euros máis que en 2016— e conta con 118.735 euros en depósitos bancarios —55.615 euros menos que hai tres anos—.

Para rematar, tamén dispón dun plan de pensións de 165.651 euros e mantén 75 accións de Telefónica (con menor valor que hai catro anos). 

Feijóo asinou unha hipoteca de 238.000 euros para pagar a súa nova...
comentarios
ç