Martes. 18.12.2018 |
El tiempo
Martes. 18.12.2018
El tiempo

Feijóo: "Non haberá quita de débeda ás comunidades"

Alberto Núñez Feijóo, xunto a Cristina Cifuentes e Fernando López Miras, á súa chegada á reunión con Mariano Rajoy. JUAN CARLOS HIDALGO (EFE)
Alberto Núñez Feijóo, xunto a Cristina Cifuentes e Fernando López Miras, á súa chegada á reunión con Mariano Rajoy. JUAN CARLOS HIDALGO (EFE)

O presidente da Xunta acudiu a unha reunión coa cúpúa do PP, na que se acordou axudar ás autonomías máis endebedadas "pero non a cambio de que unhas paguen e outras non"

O Goberno confirmou este luns aos baróns rexionais do PP que non haberá quitas de débeda ás comunidades autónomas, segundo confirmaron o presidente da Xunta, Alberto Núñez Feijóo, á saída da reunión co xefe do Executivo, Mariano Rajoy, e a cúpula do partido.

O presidente galego e o de Castela e León, Juan Vicente Herrera, explicaron que o ministro de Facenda, Cristóbal Montoro, aclarou neste encontro que non haberá quita de débeda ás comunidades.

"Non sería razoable" e habería "moitas dificultades" de explicar aos cidadáns por que a unhas rexións se lles perdoa a débeda, dixo Feijóo, mentres que Herrera asegurou que saen da reunión máis tranquilos tras escoitar esta confirmación.

Segundo explicou Feijóo, as comunidades que teñen débeda téñena que pagar e outra cuestión distinta é que se "busquen mecanismos" para reestruturala ou facilitar o pago en prazos, pero "condonar, perdoar ou deixar sen efecto" a débeda considera que vai "en contra de calquera principio moral e económico".

Así, aínda que "non vai haber quita" si que se vai a axudar a que as comunidades poidan pagar a débeda "pero non a cambio de que unhas a paguen e outras non", un aspecto no que se mostrou convencido de que todos estean de acordo e sobre o que anunciou a presentación dun documento do PP "en breve" para poder chegar a un acordo co PSOE.

O líder do PP galego asegurou que o partido vai facer o posible para buscar un acordo de financiamento autonómico co PSOE e para iso "non hai nada mellor que o PP presente un documento" sobre esta reforma para despois poder debatelo cos socialistas e co resto de partidos políticos.

Pola súa banda, Herrera tamén afirmou que o criterio do PP "é absolutamente contrario" a que a negociación da reforma de modelo de financiamento parta "dun agasallo que poidan ser quitas" ás comunidades autónomas con débeda porque sería inxusto para as propias comunidades "e cos cidadáns".

SEN O FOCO EN CIUDADANOS. Ademais, neste xantar de traballo acordouse presentar en breve tres documentos de traballo sobre tres asuntos nos que o Goberno e o PP queren chegar a acordos, principalmente cos socialistas: financiamento autonómico, auga e demografía. 

No PP subliñan que están de acordo nos "puntos básicos" e confían en que se poida chegar a pactos a nivel nacional nesas tres materias. "O Partido Popular vai saber ceder e chegar a acordos", resumiu un presidente autonómico tras este xantar de traballo que durou máis de tres horas. 

Os presentes tamén fixeron fincapé na necesidade de que haxa uns Orzamentos Xerais do Estado para 2018 durante este encontro de traballo, no que non se falou de renovación do partido nin de Ciudadanos a pesar do auxe que recollen as enquisas.

Feijóo: "Non haberá quita de débeda ás comunidades"
Comentarios