Galicia anotou 6.165 parados máis en novembro respecto ao mes anterior, un 3,40% de incremento, fronte ao 0,66% de repunte nacional, dato que deixa en 187.472 os desempregados na Comunidade, 21.813 máis que hai un ano, un 13,17% máis.
Segundo os datos facilitados polos Ministerios de Traballo e de Inclusión e Seguridade Social, no caso da afiliación trátase da maior subida media nun novembro desde 2006 mentres que no caso do desemprego é a maior desde 2012 aínda que está por baixo da media para este mes, nun repunte amortecido polos Erte.
Por provincias, o número de parados rexistrado en Galicia incrementouse en Pontevedra en relación a outubro en 2.494, un 3,61 por cento máis, o que sitúa o número total de desempregados en 71.559. Na Coruña, en 2.348, un 3,19 máis, ata os 76.063.
En Lugo é onde se produciu un maior aumento porcentual, cun 4,03 por cento, 727 parados máis, ata chegar aos 18.786 –con todo, a cifra total máis baixa–; e en Ourense o menor, con 2,91%, 596 parados máis, ata contabilizar 21.064.
En total, na Coruña hai 10.637 desempregados máis que en novembro do ano pasado, un incremento do 16,26 por cento. E 6.285 en Pontevedra, un 9,63 por cento máis.
En Lugo o aumento foi de 2.364 persoas, un 14,40 por cento máis; mentres que en Ourense o número de desempregados con respecto a novembro de 2019 subiu en 2.527 persoas, un 13,63 máis.
Por sectores, o maior paro rexistrado en Galicia concéntrase no de servizos, cun total de 130.498 desempregados (4.609 máis que en outubro), seguido a gran distancia da industria, con 19.687 (639 máis); a construción, 13.733 (276 máis), e a agricultura 7.054 (382 máis).
Outros 16.500 (259 máis) corresponden ao número total de parados que neste mes de novembro non tiña emprego anterior.
Ademais, a maioría de persoas desempregadas na comunidade son mulleres, 107.188 (2.922 máis), fronte a 80.364 homes (3.323 máis). Por tramos de idade, hai 10.548 desempregados entre os menores de 25 (640 máis) e 176.924 doutras idades.
No conxunto do país, a Seguridade Social sumou 31.638 afiliados en termos medios en novembro, superando os 19 millóns de ocupados por primeira vez desde o estalido da pandemia, aínda que o paro tamén seguiu á alza con 25.269 desempregados máis ata os 3.851.312.
Fronte a hai un ano, o mercado laboral aínda segue reflectindo o impacto da pandemia con 354.877 traballadores afiliados medios menos que hai un ano e 653.128 parados máis.
