Galicia citará desde o día 25 do mes en curso aos maiores de 80 anos para recibir a dose de reforzo contra o coronavirus, a condición de que transcorran máis de seis meses desde a administración da segunda picada da vacina, que permitía obter a pauta completa.
"É un matiz importante", indicou o conselleiro de Sanidade, Xullo García Comesaña, na comparecencia ofrecida este mércores en Santiago de Compostela, onde comentou que esta protección se materializou con éxito en centros sociosanitarios e entre a poboación inmunodeprimida.
