O número de contagios continúa en situación de meseta cando os galegos encaran a súa segunda Semana Santa marcada pola pandemia da covid-19 e recordan que xusto hai un ano nin sequera podían saír á rúa.
A mobilidade é practicamente completa na comunidade, pois a única excepción é concello de Beade, en Ourense, o cal pola mala evolución dos datos epidemiolóxicos atópase sometido ás máximas restricións.
Galicia rexistrou este luns 2.327 casos activos, 18 máis que un día antes, nunha xornada na que tamén hai máis contagios e hospitalizados.
Con esta situación, o comité clínico de expertos que asesora á Xunta no marco da pandemia polo covid-19 e que preside o titular do Goberno galego, Alberto Núñez Feijóo, reunirase este martes para analizar os datos epidemiolóxicos co fin de adoptar "as medidas oportunas".
Neste nivel medio a hostalería tamén pode permanecer aberta ata as 21.00 horas, cun 30% de aforamento no interior e un 50% en terrazas
Nesta nova reunión, avanzaron as mesmas fontes, volveranse a analizar os datos epidemiolóxicos do conxunto dos concellos galegos, así como os da presión asistencial nas distintas áreas sanitarias para, "en consecuencia, adoptar as medidas oportunas".
Esta reunión producirase tras a celebrada o venres pasado polo subcomité clínico na que a Xunta de Galicia acordou manter en nivel máximo de restricións ao municipio de Beade (Ourense), que é o único nesa situación desde este luns, 29 de marzo, tras pasar Maside ao nivel alto.
Iso supón que en Beade segue vixente o peche perimetral do municipio, a hostalería só aberta para servizo a domicilio e recollida e as reunións de non convivientes prohibidas.
Ademais, tras escoitar as recomendacións do subcomité clínico o pasado venres Maside pasou do nivel máximo ao alto xunto a outros nove municipios, entre os que se manteñen os pontevedreses de Sanxenxo e Baiona.
No nivel alto de restricións a hostalería permanecerá aberta ata as 21.00 horas, con só apertura de terrazas cun aforamento do 50 por cento
No nivel alto de restricións entraron, ademais, os concellos de Cortegada, Pazos de Borbén e Padrenda, mentres que se manteñen no mesmo, ademais de Sanxenxo e Baiona, os de Vilardevós, Abegondo, Ortigueira e O Saviñao.
No nivel alto de restricións a hostalería permanecerá aberta ata as 21.00 horas, con só apertura de terrazas cun aforamento do 50 por cento. As reunións poderán ser de seis persoas non convivientes en exteriores, de ata catro en interiores de hostalería (ou espazos d carácter público) e estarán prohibidas nos domicilios ou calquera espazo de carácter privado.
NIVEL MEDIO. Pola súa banda, no nivel medio seguen desde este luns as localidades de Arteixo, Bergondo, Betanzos, Boimorto, Camariñas, Cangas, O Carballiño, A Coruña, Culleredo, A Laracha, Laxe, Pantón, Ribadavia, Sober e Xinzo, aos que se sumaron Carral e Celanova e Neda -que baixa de alto a este-.
Xa que logo, en nivel medio de restricións mantéñense desde este luns 18 municipios -un menos que os 19 actuais tras a reunión do comité clínico desta semana- logo de saír do mesmo Ponteceso, Valdoviño, Coles e Soutomaior.
Neste nivel medio a hostalería tamén pode permanecer aberta ata as 21.00 horas, cun 30% de aforamento no interior e un 50% en terrazas. As reunións de non convivientes poderán ser de ata seis persoas en exteriores e de catro en interiores de hostalería ou espazos públicos. Tamén, como en toda Galicia, seguen prohibidos os encontros de non convivientes en domicilios.
No resto dos concellos galegos estarán vixentes as restricións fixadas no nivel medio baixo. Deste xeito, a hostalería poderá funcionar cun aforamento do 50 por cento interior e un 75% en terrazas. As reunións tamén poderán ser de ata seis non convivientes en exteriores e de catro en interiores de hostalería, pero seguen prohibidos os encontros en domicilios.
