O Servizo Galego de Saúde (Sergas) iniciou esta semana o ensaio clínico en menores de 12 anos coa vacina de Pfizer-BioNTech que se está levando cabo no Hospital Clínico de Santiago.
Os primeiros voluntarios, segundo un comunicado, recibiron este luns a primeira dose da vacina ou do placebo, mentres que ao longo da semana completaranse as 25 inmunizaciones previstas nesta primeira fase, en nenos de entre 5 e 12 anos.
En fases posteriores irase desescalando en idades ata chegar a bebés de 6 meses e aos 55 participantes, informa o Sergas na nota.
Trátase dun estudo "dobre cego" que consiste en que a unha parte dos nenos forneceráselles, nun primeiro momento, un placebo. Os participantes recibirán unha inxección cun intervalo aproximado de 3 semanas e aqueles que reciban placebo (un terzo) terán oportunidade de recibir a vacina dentro do estudo.
O Hospital Clínico de Santiago é
Neste ensaio do Sergas participarán 55 nenos sans que formarán parte do estudo mundial no que está previsto que se inclúan 4.644 mozos, 557 deles en España.
Para levalo a cabo se pautan visitas de control e haberá un período de seguimento de cada neno de dous anos.
Aos pais e coidadores pídeselles que rexistren calquera cambio na saúde dos nenos nun diario electrónico que se lles facilita.
