A Xunta de Galicia recibiu este luns un total de 57.330 doses da vacina de Pfizer e 3.220 da de Moderna, pero ningunha da de AstraZeneca, segundo informou a Consellería de Sanidade.
En concreto, indicou Sanidade nun comunicado, esta semana continuará coa vacinación das persoas de 80 e máis anos e de colectivos profesionais e persoas de profesións consideradas esenciais ata os 65 anos de idade.
Ademais, por parte da Consellería de Sanidade ratificouse que a comunidade galega continuará tamén coa administración de dose a grandes dependentes.