Meteogalicia contabilizou máis de 1.400 raios entre as 12.00 horas deste sábado e as 12.00 horas deste domingo. En concreto, as horas de máis actividade eléctrica foron entre as 20.00 horas e as 04.00 horas.
A tarde do sábado os raios concentráronse maioritariamente na zona sur da comunidade, mentres que a partir das 00.00 horas afectaron en maior medida á provincia de Lugo e ao centro de Galicia.
Para este domingo, a AEMET mantén un aviso amarelo por choiva e tormentas na montaña lucense.
