Galicia rexistrou o peor saldo vexetativo de toda España no primeiro semestre do ano

Naceron 8.312 persoas e faleceron 17.447

Galicia registra en 2019 el peor saldo vegetativo entre comunidades. AEP
photo_camera O saldo vexetativo foi positivo en Madrid, Murcia e Baleares. AEP

Galicia segue sufrindo un acusado declive demográfico xa que no primeiro semestre deste ano rexistrou o peor saldo vexetativo (nacementos menos defuncións) de toda España.

Nos seis primeiros meses de 2018 Galicia rexistrou un saldo negativo de 9.135 persoas: naceron 8.312 e faleceron 17.447 persoas, segundo os últimos datos do Instituto Nacional de Estadística sobre o movemento natural da poboación.

O saldo vexetativo foi positivo no primeiro semestre de 2018 en tres comunidades: Comunidade de Madrid (en 3.714 persoas), Rexión de Murcia (997) e Illas Baleares (428). Pola contra, os saldos vexetativos máis negativos déronse en Galicia (-9.135 persoas), Castela e León (-7.857) e Comunidade Valenciana (-5.959).

O número de nacementos diminuíu na primeira metade de 2018 en todas as comunidades autónomas. A Rioxa (-13,7 %), Estremadura (-10,3 %) e Cantabria (-7,8 %) rexistraron os maiores descensos. Pola súa banda, o número de defuncións aumentou en 12 comunidades. Os maiores incrementos déronse en Canarias (10,2 %), Andalucía (5,3 %) e Cantabria (5,1 %).

En canto ao número de matrimonios, os maiores aumentos déronse en Cantabria (6,8%, A Rioxa (5,6%) e Canarias (1,1%), mentres que os descensos máis acusados rexistráronse en Galicia (-14,7%), Comunidade de Madrid (-14,1%) e Estremadura (-10,2%). 

Comentarios