lunes. 21.10.2019 |
El tiempo
lunes. 21.10.2019
El tiempo

Galicia vivirá un verán "máis cálido" do normal segundo os prognósticos

A praia de Silgar, abarrotada de xente en agosto do pasado ano. CHRISTIAN FERNÁNDEZ
A praia de Silgar, abarrotada de xente en agosto do pasado ano. CHRISTIAN FERNÁNDEZ

A Aemet asegura que na comunidade "foise alongando" a época estival nos últimos anos

A Axencia Estatal de Meteoroloxía (Aemet) augura un verán "máis cálido do normal" en Galicia e con precipitacións "normais" para esta época do ano, tras ter unha primavera moi calorosa e "máis seca" do habitual. 

En rolda de prensa, o delegado da Aemet en Galicia, Francisco Infante, presentou o balance climatolóxico da primavera, que resultou "moi cálida e lixeiramente máis seca", e avanzou na predición estacional para o verán, no que probablemente se rexistren temperaturas con valores máis elevados. 

De face aos próximos días, en Galicia predominará un "tempo tranquilo", aínda que espérase a entrada dunha borrasca na noite do sábado. Así, a noite do sábado e o domingo 24 unha fronte varrerá toda Galicia deixando precipitacións de certa intensidade. 

SAN XOÁN. Con todo, segundo avanzou Infante, as choivas irán remitindo "á primeira hora da tarde" do domingo, polo que se esperan ceos nubrados, pero sen precipitacións durante a noite de San

En concreto, para San Juan, espérase "unha boa noite", cunhas temperaturas mínimas de 12 graos no interior da comunidade, subindo ata os 15 nas zonas costeiras. 

De face ao verán, a Aemet augura un período estival "máis cálido" e en canto ás choivas non se aprecia ningunha tendencia polo que "é probable que teña un comportamento normal" ao longo dos próximos tres meses.

MENOS CHOIVAS NA PRIMAVERA. Respecto da primavera, esta foi "moi cálida", sobre todo polos valores rexistrados no mes de maio cando se alcanzaron as temperaturas máis elevadas, ao superar os 37 graos nalgunhas localidades do sur da comunidade. 

Ademais, a primavera resultou "lixeiramente máis seca do normal", ao chover "o 85% do valor medio" para esta estación. De feito, esta primavera choveu menos da media: "Chove 37 días de media e esta primavera choveu 34 días". 

A pesar de que o mes de abril foi algo máis húmido, o mes de maio caracterizouse pola escaseza de precipitacións. Só choveu uns días, do 6 ao 10 de maio e do 16 ao 18. En canto ao mes de xuño, Infante sinalou que está resultado "frío" e húmido, pois a estas alturas "xa choveu máis do habitual para todo o mes".

ALÓNGANSE OS VERÁNS. Precisamente, esta escaseza de precipitacións repercute no balance hídrico, que, a falta de catro meses para que termine, atópase "dentro dos valores normais" aínda que mostra unha certa tendencia "lixeiramente seca". 

Infante aproveitou a súa intervención para presentar un estudo sobre a duración do verán en Galicia, unha estación que co paso dos anos "foise alongando" ao adiantarse á primavera e prolongarse ata o outono. 

No caso da Coruña, di, o verán xa se prolonga "desde finais de xuño ata outubro". Unha tendencia que Infante relaciona co cambio climático. 

Galicia vivirá un verán "máis cálido" do normal segundo os...
Comentarios