A Garda Civil emitiu este mércores un comunicado no que dá conta da detención de dúas persoas na localidade coruñesa de Tordoia por un posible delito contra a saúde pública por tráfico de drogas.
Os dous detidos residían na mesma casa, na que durante un rexistro atopáronse ata 12 quilos de marihuana lista para consumir xunto con material para o cultivo de cannabis.
A detención dos presuntos narcotraficantes tivo lugar en Arteixo, na Coruña, onde foron interceptados a bordo dun vehículo no que se achou un quilo de cocaína oculto entre a chapa e os plásticos traseiros do vehículo.
Na nota informativa, a Garda Civil sinala que ambos os detidos son sospeitosos da distribución de drogas en zonas de Oleiros, A Coruña e Baión e que a súa “audacia” á hora de non ser descubertos en seguimentos complicou a operación. As dilixencias das causas foron trasladadas ao xulgado de instrución da Coruña.
