O conselleiro de Sanidade, Julio García Comesaña, informou este luns de que dous dos tres nenos aos que se lles detectou hepatite aguda en Galicia xa están "perfectamente recuperados" nas súas casas e facendo vida normal".
En declaracións aos medios de comunicación, García Comesaña explicou que o terceiro caso, "con máis complicacións", foi trasladado a Madrid e "evoluciona ben".
Respecto da situación xeral, os expertos da Consellería de Sanidade subliñaron que o número de estas hepatites non é máis alto que os que se rexistraron en anos anteriores, polo que a Xunta está "tranquila" pero "pendente" da evolución dos casos.
Julio García Comesaña explicou que tras darse a alerta en España, informouse a todos os servizos de pediatría galegos, polo que se descubriron estes tres casos. Outros pacientes eran sospeitosos de ter hepatite aguda pero finalmente foron descartados.
