Un accidente con tres vehículos implicados rexistrado na noite deste pasado xoves na estrada de Santa Marta, en Baiona, saldouse cun bebé ferido leve.
Así o informou o 112 Galicia, que sinalou que foi a Policía Local do municipio a que, pasadas as 21.00 horas deste xoves, avisou ao servizo de urxencias deste sinistro.
Ao recibir esta comunicación, por parte do Centro Integrado de Atención ás Emerxencias de Galicia (CIAE-112) informouse os servizos sanitarios, á Garda Civil de Tráfico, ao GES do Val Miñor e a Protección Civil.
Finalmente, os axentes de policía que acudiron ao lugar confirmaron ao 112 Galicia que un bebé necesitara asistencia médica pero que, en principio, o seu estado non revestía gravidade.
