Desde o pasado mércores, inspectores da Consellería de Benestar, dependente da Xunta de Galicia, avalían se nunha residencia ourensá producíronse malos tratos a anciáns.
En concreto, e por mor dunha denuncia destes supostos feitos en forma dun escrito asinado por varios traballadores que entrou o martes no rexistro do Goberno galego -aínda que non acompañado de proba documental nin gráfica algunha-, avalían posibles tratos inapropiados e vexacións a anciáns na residencia que a Fundación San Rosendo ten na Mezquita.
Os feitos, que a institución nega, van desde as labazadas á alteración da medicación prescrita para conseguir maior sedación. Tamén se refire restrición de alimentos ou mala hixiene, entre outros. Os asinantes responsabilizan desas irregularidades á persoa que dirixe o centro desde setembro.
Investigan se houbo malos tratos a anciáns nunha residencia da Mezquita
A raíz da investigación está nun escrito asinado por varios traballadores do centro presentado ante o rexistro da Xunta esta semana
