A xuíza decreta a liberdade para o exnovio de Nerea Añel porque xa está prisión

O home, de 31 anos, só admite que estivo con ela nun motel o día da súa desaparición
Imagen de la desaparecida Nerea Añel. SOS DESAPARECIDOS
photo_camera Nerea Añel. SOS DESAPARECIDOS

A xuíza que instrúe o caso da a morte da moza ourensá Nerea Añel. cuxo cadáver foi atopado en setembro de 2020 con signos de violencia nunha aldea abandonada de Barbadás, estuda que tipo de delito concorre detrás deste suceso, se homicidio imprudente ou doloso. 

Polo momento, a xuíza do xulgado número 3 de violencia de xénero non deu a coñecer que tipo de delito lle imputa ao acusado, o exmozo da muller. O principal sospeitoso, J.G.S., alias Julito, de 31 anos, acolleuse este martes ao seu dereito a non declarar, polo que foi devolto ao centro penal de Pereiro de Aguiar, onde cumpre condena por outro caso.

De momento, fontes xudiciais indicaron que acordou a súa liberdade ao entender que, ao xa estar en encarcerado, "non concorren os requisitos para acordar a súa prisión posto que non existe risco de fuga nin de alterar probas" así como tampouco "de poder causar dano á vítima ou influír" dalgún modo nas declaracións. 

Nerea Añel tiña 26 anos cando desapareceu en Ourense en xaneiro do ano pasado. A súa familia denunciou a súa desaparición logo de non ter noticias dela desde a noite de Reis, día en que lle presentou á súa nai ao que foi a súa última parella. 

Logo de meses de procura, o corpo foi localizado en setembro do ano pasado por dous camiñantes no lugar de Os Muíños, un pobo abandonado do municipio de Barbadás. 

As investigacións preliminares descartaron que a morte se debese a causas naturais e apuntaban á existencia de indicios de violencia. O acusado, que participou na reconstrución dos feitos tras a súa recente detención, só admite que estivo con Nerea Añel nun motel horas antes da súa morte.